დასვრილია ჩემი სული

როგორც გრძელი კაბის კიდე

იცი? ყველაფრისგან ფხიზელს

რა ადვილადმომეკიდე

გარეთ წვიმით გალუმპული

ქუდი ობლად ჩამოვკიდე

როგორ თქრიაქივით მათრობ

ახლოს მოდი მომიკიდე

გასახდელად ახნილ ღილი

პერანგის ჭრილს ჩავაბნიე

შენი ჩემთან ახლოს მოსვლით

როგორც მძივი დამაბნიე

მონაწევი კუპრის შხამი

სუფთა ჰაერს შევერიე

შენით ავსილ ფერად ფიქრებს

ვერაფრით ვერ შეველიე

ვნება ჩემი მარტო დავსვი

გამვლელი ვერ შევამჩნიე

ძველი და მოქნილი ვალსი

საალერსოდ შევარჩიე

ჩამოცლილი ღვინის შტოფი

დასალეწად გავიმეტე

ჩემი გრძნობა მილიმეტრი

გავადიდე გავამეტრე

დამაქვს უბით როგორც გული

ლექსი შენთვის საჩუქარი

ოღონდ ტყვიას ნუღარ მესვრი

ოღონდ გულში ჩამიკარი

ეპიტაფად მედოს მინდა

შენთან ყოფნის დრო და ჟამი

გულის ფეთქვას ვეღარ თვლიდა

ვეღარც წუთი ვეღარც წამი

დასვრილია ჩემი სული

როგორც გრძელი კაბის კიდე

იცი? ყველაფრისგან ფხიზელს

რა ადვილადმომეკიდე